«Ақын — трибун. Ақын -лирик» атты мәдени іс-шара Олжас Сүлейменовтің 90 жылдық мерейтойына орай ұйымдастырылды.

«Қазақ соқырлар қоғамы» қоғамдық бірлестігінің мүшелері ақынның жарқын өмір жолымен және сан салалы шығармашылық қызметімен танысты. Ақын, публицист, лингвист, саясаткер әрі қоғам қайраткері ретінде ол Қазақстан мәдениеті мен қоғамдық ойының дамуына өлшеусіз үлес қосты. Кездесу барысында ақынның уақыт пен ұрпақтар жалғастығы, тарих пен экология, тілдің ұлт болмысын сақтаудағы рөлі және халықтың рухани құндылықтары туралы өлеңдері мен терең философиялық ойлары оқылды. Іс-шара қатысушыларға сөз зергерінің бай мұрасымен жақынырақ танысып, оның шығармашылығынан рухани шабыт алуға мүмкіндік берді.