Шафердің музей үйінде халықаралық музейлер күні мен Қазақстан Республикасының мәдениет және өнер қызметкерлері күніне арналған мерекелік іс-шара өтті.

Қонақтарға музей тарихын, музыканы, поэзияны және жүрекжарды алғыс сөздерді тоғыстырған жылы да әсерлі бағдарлама ұсынылды.
Кеш барысында музейдің негізін қалаушы Наум Григорьевич Шафер еске алынып, оның музыкалық мұраны сақтауға және мәдениетті дамытуға қосқан зор үлесі туралы айтылды. Сондай-ақ, бірегей коллекцияның қалыптасуына үлкен қолдау көрсеткен өмірлік серігі, сенімді тілеулесі Наталья Михайловна Капустинаға ерекше назар аударылды.
Іс-шарада павлодарлық авторлар — Ольга Григорьева, Наталья Борисовская және Виктор Семерьяновтың музейге арнаған өлеңдері оқылды.
Кәсіби мерекемен музей ұжымын композитор Лариса Лобченко, ақын Ольга Захарова, Евгения Юдинцева және белсенді ұзақ өмір сүру орталығының «Классиктер мен замандастар» клубының мүшесі Зоя Искакова құттықтап, қонақтарға музыкалық тартуларын, жылы лебіздері мен көтеріңкі көңіл күй сыйлады.
Музей ұжымына айтылған ізгі тілектер мен қолдау сөздері үшін барлық қонақтарға алғысымызды білдіреміз. Осындай кездесулер тарихты, мәдениетті және ұрпақтар сабақтастығын сақтаудың маңызын тағы бір мәрте еске салады.